ངོ་སྤྲོད།
༉ལྷོ་ཕྱོགས་ཙན་དན་བཀོད་པའི་ལྗོང་འདི་ནང་དུ་སངས་རྒྱས་ཀྱི་བསྟན་པ་སྔོན་ནས་དརཡོད་པ་མ་ཟད་སངས་རྒྱས་གཉིས་པ་ཨྱོན་གུ་རུ་རིན་པོ་ཆེ་འབྱོན་ཏེ་ས་དང་རྡོ་རི་དང་བྲག་རྣམས་གཏེར་ཁ་མང་པོ་སྦས་གནང་ཏེ་ཡོད་པ་ཡིན། དེའི་བརྗེ་སུ་རྗེས་མཁྱེན་དང་བླ་ཆེན་མང་པོ་གི་བསམ་བློ་རྒྱ་ཆེ་ས་གཏོང་གནང་ནས་རྒྱལ་ཁབ་ཀྱི་ས་གནས་མཐའ་དབུས་མེད་པ་སངས་རྒྱས་ཀྱི་བསྟན་པའི་གཞི་རྩ་ལེགས་པར་གཙུགས་གནང་ཡོད་པ་མ་ཟད་མ་འོངས་འབྲུག་རྒྱལ་ཁབ་ཀྱི་སངས་རྒྱས་བསྟན་པ་ལུ་ཕྱག་ཕྱི་ཞུ་ནིའི་ཕྱིར་ན་གཞོན་བུ་དང་བུ་མོ་རྣམས་ཕྱི་ནང་གཉིས་ཀྱི་ཤེས་ཡོན་སྦྱང་བཙུན་བྱེད་ནིའི་གོ་སྐབས་བཟང་པོ་གནང་ཡོད་མི་འདི་ནང་ནས་དེ་རིང་བུ་ཆུང་རང་གི་བསྟན་པ་སངས་རྒྱས་བཅོམ་ལྡན་འདས་ཀྱི་མཚན་མང་པོ་ཞུ་ཡོད་པའི་ནང་ནས་ཤཱཀྱ་ཐུབ་པ་ཞེས་པའི་དོན་དང་རྒྱུ་མཚན་རྣམས་དམ་པའི་གསུང་རབ་དང་དཔེ་ཆ་མི་འདྲ་བ་གསུམ་ལ་རྒྱབ་རྟེན་བྱེད་ཐོག་ལོ་རྒྱུད་བཤད་རྒྱུ་ཡིན།།
ཤཱཀྱ་ཐུབ་པ་ཞེས་པའི་རྒྱུ་མཚན།
དང་པོ་ རྫོང་ཁའི་མངོན་བརྗོད་ཤོགས་གྲངས་༼༣༦-༣༧༽ ལྟར་ ཤཱཀྱ་ཐུབ་པ་ཞེས་པ་ནི་སྔོན་རྒྱ་གར་དུ་རྒྱལ་པོ་ཞིག་ལ་བཙུན་མོ་མང་པོ་ཡོད་པ་དེ་ལ་སྲས་སྲས་མོ་ཡང་མང་པོ་འཁྲུངས་སོ།ལན་གཅིག་སྲས་སྲས་མོ་རྣམས་འཚར་ལོངས་ཟིན་པའི་བསྒང་རྒྱལ་བརྒྱུད་འཛིན་པའི་སྐོར་ནས་མ་འགྲིགས་པར་མཇུག་ཏུ་རྒྱལ་པོས་སྲས་སྲས་མོ་རྣམས་རྒྱང་འབུད་གཏོང་བ་ལ་བརྟེན་ནས་སྲས་སྲས་མོ་རྣམས་འགྲོང་འཁྱེར་ནས་ཐོན་སོང་ཏེ་ས་གནས་ཐག་རིང་ས་ཞིག་ལ་གཞིས་ཆགས་བཞུགས་ཡོད་པ་ཡིན།ས་གནས་དེའི་ནང་དུ་འགྲོ་བ་མི་གཞན་སུ་ཡང་མེད་པ་ཡིན་པས་ན་སྤུན་ཆ་ནང་རོལ་དུ་གཉེན་སྒྲིག་མཛད་དེ་མི་རིགས་མང་པོ་མཆེད་པ་མ་ཟད་ མཐའ་མཇུག་ལ་གྲོང་གསེབ་ཆུང་ངུ་ཞིག་ཆགས་ཡིན་པས་ན་དེའི་རིགས་རྒྱུད་ཀྱི་ཐ་སྙད་ཡང་ཤཱཀྱ་ཞེས་འབྱུང་ངོ།ཤཱཀྱ་ནི་རིགས་རྒྱུད་ཀྱི་མིང་དང་ཐུབ་པ་ནི་རིགས་རྒྱུད་དེ་ལས་འཁྲུངས་པས་ན་ཤཱཀྱ་ཐུབ་པ་ཞེས་མཚན་བཏགས་པ་ཡིན་ནོ།།
གཉིས་པ་སྟོན་པའི་མཛད་པ་མདོར་བསྡུས་ཀུན་ཕན་ལམ་བཟང་ཤོགས་གྲངས་༼༡༤-༡༥༽ནང་ནས་སྔོན་རྒྱ་གར་དུ་ཤཱ་ཀྱའི་གྲོང་འཁྱེར་སེར་སྐྱ་ལ་ཡབ་རྒྱལ་པོ་ཟས་གཙང་དང་ཡུམ་སྒྱུ་མ་ལྷ་ཟས་གཉིས་ནས་སྲས་ཀུན་དགའ་དོན་གྲུབ་ཞེས་པ་ཞིག་འཁྲུངས་ཡོད་པ་ཡིན།སྲས་འཁྲུངས་ཏེ་ཞག་བདུན་སོང་པ་ན་ཡུམ་སྒྱུ་མ་ལྷ་ཟས་ཚེས་ལས་འདས་པ་ཡིན་པས། དེའི་རྗེས་སུ་སྐྱེ་རྒུའི་བདག་མོ་ཞེས་མི་ཞིག་གིས་ཡུམ་གྱི་བརྗེ་ཚབ་མཛད་དེ་རྒྱལ་སྲས་མཆོག་དོ་སྣང་དང་ཤ་ཚ་སྙིང་ཉེ་བྱེད་དེ་འཚར་ལོངས་ཟིན་ཡིན་པས།དེ་ལས་ཤཱ་ཀྱའི་གྲོང་ཁྱེར་དེ་ནང་ལ་ཤཱཀྱའི་རིགས་ཀྱི་མི་རྒྱལ་སྲས་མཆོག་འབྱོན་པའི་སྐབས་འགྲོང་ཁྱེར་དེ་ནང་ཀྱི་མི་གདུག་པ་ཅན་རྣམས་ཁུ་སིམ་སིམ་གནས་སྡོད་བྱེད་དོ་ཡིན་པས།རྒྱུ་མཚན་དེར་བརྟེན་ནས་སྲས་ཀྱི་མཚན་ཡང་ ཤཱཀྱ་ཐུགས་པ་ཞེས་བཏགས་པ་ཡིན།།
གསུམ་པ་མངོན་བརྗོད་རྒྱ་མཚོའི་ཆུ་ཐིགས་ཀྱི་རྩ་འབྲེལ་ཤོགས་གྲངས་༼༤༽ནང་ནས་ཤཱཀྱ་ཞེས་པ་ནི་སྟོབས་ཤུགས་སམ་ནུས་ཤུགས་ཆེ་བའི་དོན་དང་ཐུབ་པ་ནི་འགྲོ་བ་སེམས་ཅན་རྣམས་འཁོར་བ་སྡུག་བསྔལ་གྱི་རྒྱ་མཚོ་ལས་འབྲེལ་བའི་དོན་དུ་འགྲོ་དོན་དང་ལས་ཀ་མང་པོ་མཛད་པའི་སྟོབས་ཤུགས་ཆེན་པོ་ཡོད་པ་ལ་བརྟེན་ནས་ཐུབ་པ་ཞེས་པ་ཡིན་ནོ།། དེ་མ་ཟད་ལྷས་བྱིན་དང་འདྲེ་བཙན་གདུག་པ་ཅན་སོགས་འགྲན་ཡ་ཀུན་ལས་རྒྱལ་བས་ན་ཐུབ་པ་ཞེས་པ་ཡིན་ནོ།།
རྒྱབ་རྟེན།
ཀུན་བཟང་ཕྲིན་ལས (༡༩༩༩) སྟོན་པའི་མཛད་མདོར་བསྡུས་ཀུན་ཕན་ལམ་བཟང། ཐིམ་ཕུ། ཀེ་ཨེམ་ཀྲི་ལས་སྡེ།
རྡོ་རྗེ་རྒྱལ་མཚན (༢༠༠༩) རྫོང་ཁའི་མངོན་བརྗོད། ཐིམ་ཕུ། འབྲུག་གནས་ལུགས་སྒེར་སྡེ་ཚད་འཛིན།
འཇིགས་མེད་བསྟན་འཛིན (༢༠༠༥) མངོན་བརྗོད་རྒྱ་མཚོའི་ཆུ་ཐིགས་ཀྱི་རྩ་འབྲེལ། ཕུན་ཚོགས་གླིང་། ཀེ་ཨེམ་ཀྲི་ལས་སྡེ།
ཀརྨ་དངོས་གྲུབ །
སྐད་ཡིག་དང་རྩོམ་རིག
No comments:
Post a Comment