ཤར་རི་རྩེ་ནས་བྱོན་པ།།
༉ ཤར་རི་རྩེ་ནས་བྱོན་པ།། ནོར་བུ་ཆུ་ཤེལ་མེ་ཤེལ།། འཛམ་གླིང་འོད་ཀྱིས་ཁྱབ་པ།། གླིང་བཞི་བསྐོར་བ་ལེགས་སོ།།
སྨན་ལྗོངས་དབུས་ནས་བྱོན་པ།། དཔལ་ལྡན་ས་ཡི་དབང་ཕྱུག། ཆབ་སྲིད་འཁོར་ལོ་བསྒྱུར་བ།། ཞབས་པད་བརྟན་པ་ལེགས་སོ།།
དག་པའི་ཞིང་ནས་བྱོན་པ།། བྱང་སེམས་མཁས་པའི་དབང་པོ།། ཆོས་ཀྱི་བསྟན་པ་དར་བ།། ཆོས་འཁོར་བསྐོར་བ་ལེགས་སོ།།
ལྷ་དབང་ཡུལ་ནས་བྱོན་པ།། བརྒྱ་བྱིན་ ལྷ་ཡི་སྲས་པོ།། བསྐལ་བཟང་ཉི་མ་ཤར་བ།། གཟའ་དང་སྐར་མ་ལེགས་སོ།།
དྲི་ཟའི་ཡུལ་ནས་བྱོན་པ།། རྨད་བྱུང་ཡེ་ཤེས་མཁའ་འགྲོ།། ཚངས་དབྱངས་ལྷ་མོར་མཉམ་པ།། གསུང་སྙན་བསྒྱུར་བ་ལེགས་སོ།།
རིན་ཆེན་གླིང་ནས་བྱོན་པ།། དེད་དཔོན་ནོར་བུ་བཟང་པོ།། བང་མཛོད་ནོར་གྱིས་གང་བ།། རྟགས་དང་ རྟེན་འབྲེལ་ལེགས་སོ།།
ལྕང་ལོ་ཅན་ནས་བྱོན་པ།། རྣམ་སྲས་ནོར་ལྷའི་རྒྱལ་པོ།། གཡང་གི་དངོས་གྲུབ་ ཐོབ་པ།། འདི་ན་བཞུགས་པ་ལེགས་སོ།། །།
The video for this song is available here.
ཀརྨ་དངོས་གྲུབ་ཀྱིས་བསྡུ་སྒྲིག་འབད་ཡོདཔ།
No comments:
Post a Comment