ཤར་ཕྱོགས་གོས་དཀར་ལ་མོ།
༉ ཤར་ཕྱོགས་གོས་དཀར་ལ་མོའི་ལ་སྟོད་ན་ལ་གཞོལ་ན།།
ལ་སྟོད་ཡས་ལ་ཁ་བ་ཆེ་ཙམ་འདུག་ཆུང་ཙམ་འདུག།
ཁ་བ་ཆེ་བ་རྣམས་སུ་ཁྲི་གདུགས་ཤར་ཉི་མ་ཤར།།
ང་དང་ཁྲི་གདུགས་ཉི་མ་ཤར་ནས་ཡོང་ལ་ཕྲད་ནས་ཡོང་།།
ཁ་བ་ཆུང་བ་རྣམས་སུ་ལྷམ་ཆེན་བཙུགས་ལྷམ་ཆུང་བཙུགས།།
ང་དང་ལྷམ་ཆེན་ལྷམ་ཆུང་བཙུགས་ནས་ཡོང་ལ་ཕྲད་ནས་ཡོང་།།
ཤར་ཕྱོགས་གོས་དཀར་ལ་མོའི་ལ་སྟོད་ན་ལ་གཞོལ་ན།།
ལ་སྟོད་ཡས་ལ་ཤིང་མོ་ཆེ་ཙམ་འདུག་ཆུང་ཙམ་འདུག།
ཤིང་མོ་ཆེ་བ་རྣམས་སུ་སྟ་ཆེན་རྒྱབ་སྟ་ཆུང་རྒྱབ།།
ང་དང་སྟ་ཆེན་སྟ་ཆུང་རྒྱབ་ནས་ཡོང་ལ་སྒྲིག་ནས་ཡོང་།།
ཤིང་མོ་ཆུང་བ་རྣམས་སུ་སོག་ལེ་རྒྱབ་སོག་ཆུང་རྒྱབ།།
ང་དང་སོག་ཆེན་སོག་ཆུང་རྒྱབ་ནས་ཡོང་སྒྲིག་ནས་ཡོང་།།
ཤར་ཕྱོགས་གོས་དཀར་ལ་ མོའི་ལ་སྟོད་ན་ལ་གཞོལ་ན།།
ལ་སྟོད་ཡས་ལ་ཆུ་མོ་ཆེ་ཙམ་འདུག་ཆུང་ཙམ་འདུག།
ཆུ་མོ་ཆེ་བ་རྣམས་ སུ་གྲུ་ཆེན་བཏང་ལ་གྲུ་ཆུང་བཏང་།།
ང་དང་གྲུ་ཆེན་གྲུ་ཆུང་བཏང་ནས་ཡོང་སྒྲིག་ནསཡོང་།།
ཆུ་མོ་ཆུང་བ་ རྣམས་སུ་ཟམ་ཆེན་བཙུགས་ལ་ཟམ་ཆུང་བཙུགས།།
ང་དང་ཟམ་ཆེན་ཟམ་ཆུང་བཙུགས་ནས་ཡོང་སྒྲིག་ ནས་ཡོང་།།
The video for this song is available Here
Compiled by Karma Nidup
ཀརྨ་དངོས་གྲུབ་ཀྱིས་བསྡུ་སྒྲིག་འབད་ཡོདཔ།
No comments:
Post a Comment