རྣམ་དཀར་དགེ་བའི་བསོད་ནམས་ལས་འཁྲུངས་ཤིང་།
༉ རྣམ་དཀར་དགེ་བའི་བསོད་ནམས་ལས་འཁྲུངས་ཤིང་།། བྱམས་དང་བརྩེ་བའི་འོད་ཟེར་འབར་བཞིན་དུ།།
མངའ་འབངས་པདྨའི་ལང་ཚོ་སྐྱོང་བའི་ཕྱིར།། བརྒྱུད་འཛིན་ལྔ་པའི་གསེར་ཁྲིར་བྱོན་པ་ལེགས།།
མི་འཇིགས་གདོང་ལྔས་བཏེགས་པའི་གསེར་ཁྲིའི་སྟེང།། རང་དབང་བཙན་པའི་རྒྱལ་སྲིད་ཕྱག་འགན་བཞེས།།
རྒྱལ་བརྒྱུད་རིམ་པར་སྐྱོང་བས་སྐལ་བ་བཟང།། ལྷག་བསམ་དྲི་མེད་བཀྲིས་ཁ་དར་འཕུལ།།
སུམ་རྩེན་གླིང་ན་དཔག་བསམ་ལྗོན་བཟང་གིས།། ལྷ་རྣམས་གང་འདོད་རེ་བ་སྐོང་བའི་གཞི།།
ལྗོངས་འདིའི་གཙུག་མགོན་གེ་སར་རྣམ་སྤྲུལ་གྱིས།། འབྲུག་ཡུལ་དགའ་བདེའི་དཔལ་ལ་སྤྱོད་པར་ཤོག།
མི་དབང་རྒྱལ་པོའི་ཆབ་སྲིད་སྐྱོང་བའི་འོག། དམངས་གཙོའི་རིང་ལུགས་ཉི་མའི་འོད་ཟེར་གྱིས།།
རྒྱལ་ཁབ་ཞི་བདེའི་སྐྱེད་ཚལ་ཡོངས་སུ་རྒྱས།། འབངས་འཁོར་བུང་བའི་ཚོགས་རྣམས་ཟློས་གར་བསྒྱུར།།
རབ་དཀར་ཐུགས་བསྐྱེད་ཟླ་བའི་དཀྱིལ་འཁོར་ལས།། ཕན་པའི་ཞལ་བཀོད་བསིལ་བའི་རང་བཞིན་གྱིས།།
འབྲུག་མི་ཀུན་གྱི་ཡིད་ཀྱི་ཀུ་མུད་དེ།། དགའ་བདེའི་འཛུམ་བརྒྱ་བཞད་པ་བཀྲིན་ཆེ།།
ཕུན་ཚོགས་སྡེ་ བཞིའི་དཔལ་ལ་དབང་བསྒྱུར་ཞིང་།། རྣམ་བཞིའི་མཛད་པ་བཟང་པོའི་འཕྲིན་ལས་ཀྱིས།།
ཆོས་སྲིད་ལུགས་གཉིས་བསྟན་པ་བསྐལ་བརྒྱའི་བར།། སྐྱོང་ནས་སྐུ་ཚེ་ཡུན་དུ་བརྟན་པར་ཤོག། །།
The video for this song is available HERE
Compiled by Karma Nidup
ཀརྨ་དངོས་གྲུབ་ཀྱིས་བསྡུ་སྒྲིག་འབད་ཡོདཔ།
No comments:
Post a Comment