དགུང་སྔོན་བཀྲིས་གཡང་ཆགས་ལགས།
༉ དགུང་སྔོན་བཀྲིས་གཡང་ཆགས་ལགས།། ཨ་མ་ལེགས་ཨོ།།
ཁྲི་གདུགས་ཡིད་བཞིན་ནོར་བུ།། དཔལ་ལྡན་འབྲུག་པའི་ཞབས་བྲོ།།
དགུང་དང་སྤྲིན་གྱི་བར་ལ།། ཨ་མ་ལེགས་ཨོ།།
སྐྱིའུ་བསེར་རླུང་གིས་འཐོར་སོང་།། དཔལ་ལྡན་འབྲུག་པའི་ཞབས་བྲོ།།
དྲོད་ཉམས་འོད་ཀྱིས་སྐྱོང་བ།། ཨ་མ་ལེགས་ཨོ།།
ཁྲི་གདུགས་བཀྲིན་ཆེ་སོང་།། དཔལ་ལྡན་འབྲུག་པའི་ཞབས་བྲོ།།
ལྷོ་ལྗོངས་བཀྲིས་གཡང་ཆགས་ལ།། ཨ་མ་ལེགས་ཨོ།།
མངའ་བདག་ཡིད་བཞིན་ནོར་བུ།། དཔལ་ལྡན་འབྲུག་པའི་ཞབས་བྲོ།།
ལོངས་སྤྱོད་སེམས་ལ་འཆང་བ་ལ།། ཨ་མ་ལེགས་ཨོ།།
རྩ་གསུམ་ལ་ལྷ་ཡི་ཐུགས་རྗེ།། དཔལ་ལྡན་འབྲུག་པའི་ཞབས་བྲོ།།
མི་སེར་བདེ་ཞིང་སྐྱིད་པ།། ཨ་མ་ལེགས་ཨོ།།
མངའ་བདག་བཀྲིན་ཆེ་སོང་།། དཔལ་ལྡན་འབྲུག་པའི་ཞབས་བྲོ།།
རྒྱལ་སྲིད་ཆོས་བཞིན་སྐྱོང་བ།། ཨ་མ་ལེགས་ཨོ།།
བཤད་སྒྲུབ་བསྟན་པ་དར་སོང་།། དཔལ་ལྡན་འབྲུག་པའི་ཞབས་བྲོ།། །།
The video for this song is available HERE
Compiled by Karma Nidup
ཀརྨ་དངོས་གྲུབ་ཀྱིས་བསྡུ་སྒྲིག་འབད་ཡོདཔ།
No comments:
Post a Comment